|
|||||||||||
Pakistan's premier website that covers current affairs and news. |
|||||||||||
Small house for sale in Rawalpindi ایک ایسا ملک جہاں وقت کی پابندی کو غیرمہذب سمجھا جاتا ہے Time Magazine Subscription in Pakistan
|
پاکستان امریکی ڈالر سے جان چھڑا بھی سکتا ہے یا نہیں پاکستانی حکومت کے عالمی مالیاتی ادارے (آئی ایم ایف) کے ساتھ چھ ارب ڈالر قرض کے معاہدے پر اتفاقِ رائے ہوا تو اُس وقت ملک میں ایک ڈالر کے مقابلے میں روپے کی قدر 141 روپے تھی۔ |
||||||||||
|
تاہم گذشتہ ایک ہفتے میں ڈالر کی قیمت میں ہوشربا اضافہ دیکھنے میں آیا ہے اور یہ 141 سے پہلے 148 روپے پر گیا جبکہ 21 مئی کو اوپن مارکیٹ میں ڈالر 152 روپے میں مل رہا تھا۔ دس دن میں ڈالر کی اس چھلانگ اور ان خدشات نے کہ آنے والے دنوں میں ڈالر مزید مہنگا ہو گا پاکستان میں اس بحث کو جنم دیا ہے کہ عوام کو ڈالر کا بائیکاٹ کر دینا چاہیے۔ |
||||||||||
A Special report on India's attempts to wish Kashmir issue away. Rs 50 in Pakistan |
|||||||||||
|
|||||||||||
اسی سلسلے میں پاکستانی سوشل میڈیا پر دو مختلف ٹرینڈز #SayNoToDollar اور #BoycottDollar چلتے رہے اور عوام نے جذباتی انداز میں اپنی آرا کا اظہار کرتے ہوئے کہا کہ ملک کی خاطر ڈالر بیچ کر پاکستانی روپے خریدے جائیں یا پھر ڈالر کی خریداری کا بائیکاٹ ہی کر دیا جائے۔ |
|||||||||||
|
|||||||||||
کیا کوئی ملک ڈالر پر سے انحصار ختم کرنے میں کامیاب ہوا ہے؟
|
ایسی جذباتی ٹویٹس سے قطع نظر اہم سوال یہ ہے کہ کیا پاکستانی معاشی نظام واقعی ڈالر کا بائیکاٹ کر سکتا ہے اور کیا پاکستان عالمی تجارت میں امریکی کرنسی کے بجائے کسی اور دوست ملک کی کرنسی کا استعمال نہیں کر سکتا؟ |
||||||||||
پاکستان اس معاملے میں کہاں کھڑا ہے؟ اب آتے ہیں پاکستان کی جانب۔ گذشتہ نومبر میں جب پاکستانی وزیراعظم عمران خان چین گئے تو وہاں پاکستان اور چین کی تجارت یوآن میں کرنے کے معاہدے پر بھی اتفاق ہوا۔ مگر پاکستان صرف چین کے ساتھ تو تجارت نہیں کرتا۔ پاکستان کے عالمی سطح پر تین بڑے اخراجات ہیں۔ ایک ہے آئی ایم ایف جیسے عالمی مالیاتی اداروں اور بین الاقوامی بینکوں سے لیے گئے قرضوں کی قسطوں کی ادائیگی۔ وہ تو ظاہر ہے کہ امریکی ڈالر میں ہی ہوں گے۔ اس کے بعد آتا ہے دفاعی خریدوفروخت کا معاملہ۔ پاکستان ایف سولہ جنگی طیاروں سے لے کر ریڈار ٹیکنالوجی تک امریکہ سے بہت خریداری کرتا ہے۔ وہاں پر بھی آپ کو ڈالر کی ضرورت ہے۔ تیسرا بڑا خرچہ ہے تیل کی درآمد۔ اب یا تو پاکستان سعودی عرب اور دیگر ان تمام ممالک سے باری باری معاہدے کرے کہ آپ کا تیل ہم یوآن یا کسی اور کرنسی میں خریدیں گے اور وہ اس چیز پر مان بھی جائیں یا پھر پاکستان عالمی منڈی سے ڈالروں میں تیل خریدنے کا سلسلہ جاری رکھے۔ تو اگرچہ اصولی طور پر تو یہ ممکن ہے کہ پاکستان ڈالر سے جان چھڑا لے مگر عملی طور پر ایسا ممکن نہیں ہے۔ اگر ایسا کرنے کی کوشش کی گئی تو اس کا مطلب یہ ہوگا کہ آپ عالمی تجارت سے بالکل کٹ کر رہ جائیں گے۔ پاکستان کے پاس نہ تو اتنا عالمی اثر و رسوخ ہے کہ دیگر ممالک آپ کی خاطر ڈالر کو چھوڑ کر روپے میں تجارت کریں، نہ ہی پاکستانی روپیہ اتنا طاقتور۔ اس کے علاوہ ایسا کرنے کے لیے پاکستان کو ایک پیچیدہ کرنسی کلیئرنگ ایکسچینج بنانی پڑے گی جس پر دنیا بھر کا اعتماد ہو۔ کیا مستقبل میں ڈالر کی حیثیت تبدیل ہو سکتی ہے؟ امریکی ڈالر کو ہٹانے کی کوششیں ماضی میں ہوتی رہی ہیں اور آج بھی جاری ہیں۔ مگر یہ کرنا اس قدر مشکل اور پیچیدہ ہے کہ دنیا میں شاید ہی کوئی ملک ہو جو یہ کرسکتا ہے۔ چین امریکی منڈی میں اتنی تجارت کرتا ہے کہ وہ بھی ڈالر کو مکمل طور پر ہٹا نہیں سکتا۔ شاید شمالی کوریا جو کہ عالمی تجارت سے بالکل الگ تھلگ ہے اور زیادہ تر تجارت چین کے ساتھ کرتا ہے، وہ شاید واحد ملک ہے جو ایسا کر سکے۔ اب مستقبل میں عالمی حالات کس کروٹ بیٹھیں، چین یا روس عالمی طاقتیں بن جائیں، یوآن اور روبل کا سکہ سر چڑھ کر بولے اور امریکی معیشت پر سے دنیا کا اعتماد اٹھ جائے تو الگ بات فی الحال اس بات کو سمجھ لینا چاہیے کہ ابھی ڈالر کا راج کچھ اور وقت چلے گا۔
پاکستان کے نئے مشیرِ خزانہ عبدالحفیظ شیخ کون ہیں؟
Post dated May 18, 2019
Share your views at myopinion@newsflash.com.pk |
|||||||||||
فواد چوہدری: چاند دیکھنے کا تنازع اور حکومتی وزیر کی تجویز ذیابیطس: کیا ادویات کی بڑھتی قیمتیوں کی وجہ ڈالر کی قدر میں اضافہ ہے؟ کیا چینی کمپنی پاکستان میں جاسوسی کر رہی تھی؟ بی بی سی رپورٹ پاکستان : موت کی سزا پانے والے ہر پانچ میں دو بے گناہ آئی ایم ایف سے ملنے والی رقم کہاں خرچ ہو گی؟
|
Want to get news alerts from
newsflash.com.pk? Send us mail at
editor.newsflash@gmail.com
Copyright © 2006 the Newsflash All rights reserved
This site is best viewed at 1024 x 768