Welcome to NEWSFLASH, Your News link to Pakistan and beyond . . .
 

اردو رسائل و جرائد

Newsflash
 

Cricket Update

 

Pakistan's premier  website that covers current affairs and news.

Urdu rasala Shua

 

 

 

کورونا وائرس: پاکستان میں 23 مارچ کو ہونے والی فوجی پریڈ منسوخ

آئی ایس پی آر کے ڈائریکٹر جنرل میجر جنرل بابر افتخار نے بی بی سی سے بات کرتے ہوئے 23 مارچ کو فوجی پریڈ کی منسوخی کی تصدیق کی۔

 

بی بی سی رپورٹ

پاکستان میں ہر سال تئیس مارچ کو منعقد کی جانے والی فوجی پریڈ منسوخ کر دی گئی ہے۔

فوجی پریڈ کی منسوخی کا فیصلہ وزیر اعظم ہاؤس میں ہونے والے قومی سلامتی کونسل کے اجلاس میں کیا گیا ہے۔ اجلاس ملک میں کورونا وائرس کے پھیلاؤ کی روک تھام کے حوالے سے اقدامات کا جائزہ لینے کے لیے طلب کیا گیا تھا۔

 

A Special report on India's attempts to wish Kashmir issue away. Rs 50 in Pakistan

تحفظ برائے موبئل صارفین

 تاہم پریڈ کی تیاری پہلے سے جاری تھی۔ اس فوجی پریڈ میں دو ہزار سے زائد فوجی اہلکار شرکت کر رہے تھے جبکہ سیکیورٹی پر چھے ہزار سے زائد اہلکار تعینات کیے گئے تھے۔

 

   

 

 

پاکستانی فوج نے ملک کے فوجی ہسپتالوں میں کرونا وائرس سے نمٹنے کے لیے عملے کی تربیت اور وارڈز کی تیاری پہلے ہی مکمل کردی تھی اور اس وقت فوج کی تمام یونٹس میں ایمرجنسی انتظامات کیے جا رہے ہیں۔

دوسری جانب پریڈ گراؤنڈ میں دس سے پندرہ ہزار افراد کے بیٹھنے کی گنجائش ہے۔

 

پریڈ کے مقام یعنی پریڈ گراؤنڈ شکرپڑیاں میں کرونا وائرس کے خطرے کی بدولت سخت انتظامات کیے گئے تھے۔ پریڈ میں شریک اورحفاظت پر تعینات فوجی جوانوں اور افسران کو گھر جانے یا اہلخانہ سے ملنے کی اجازت نہیں تھی اور پورا پریڈ وینیو مکمل طور پر بند کیا گیا تھا۔

قومی سلامتی کونسل ملک میں اہم ترین فیصلہ ساز کمیٹی ہے۔ اس کا اجلاس وزیر اعظم طلب کرتے ہیں جبکہ کمیٹی میں وزیر اعظم کی سربراہی میں دفاع، خارجہ، داخلہ اور وزارت خزانہ کے وفاقی وزرا سمیت تینوں مسلح افواج کے سربراہان شرکت کرتے ہیں۔

خیال رہے کہ پاکستان میں مسلح افواج کی جوائنٹ ہیڈکوارٹرز نے دو ہزار پندرہ میں سات برس بعد فوجی پریڈ کا دوبارہ آغاز کیا تھا۔

فوجی پریڈ کی پہلی باضابطہ ریہرسل رواں ہفتے شروع کی گئی تھی جس دوران پاکستان کی فضائی فوج کا ایف سولہ طیارہ حادثے کا شکارہوا اور پائلٹ ہلاک ہوا تھا۔

امکان ظاہر کیا جا رہا ہے کہ فوجی اہلکاروں کےاکٹھے رہنے کی وجہ سے فوجی چھاؤنیوں کو قرنطینہ کرنے کا فیصلہ کیا جا رہا ہے تاکہ فوجی اہلکاروں کی نقل و حرکت محدود کی جا سکے۔ جبکہ یہ بھی امکان ہے کہ فوجی اہلکاروں کی چھٹیاں منسوخ کر دی جائیں۔ ۔

 

 Post dated March 14, 2020

 

Share your views at myopinion@newsflash.com.pk

 

پشاور تا کراچی ریلوے ٹریک بچھانے کیلئے پاک چین معاہدہ

ایرانی تیل پر مکمل پابندی: امریکی فیصلے کے اثرات کہاں تک جائیں گے؟

 

 

Want to get news alerts from newsflash.com.pk? Send us mail at

editor.newsflash@gmail.com


Copyright 2006 the Newsflash All rights reserved

This site is best viewed at 1024 x 768